საახალწლო ბაზრობა წყალტუბოში

LAG წყალტუბომ „ფიფლ ინ ნიდისა“ და ევროკავშირის მხარდაჭერით საახალწლო ბაზრობა მოაწყო.

გამოფენა-გაყიდვა, სადაც წარმოდგნილი იყო LAG წყალტუბოს საგრანტო კონკურსით მხარდაჭერილი მეწარმეებისა და LAG-ის წევრების პროდუქცია, სასტუმრო „პრომეთეს“ მიმდებარე სკვერში მოეწყო.

ღონისძიებაზე მოწვეული იყო როგორც ადგილობრივი თვითმმართველობის, ასევე, საქართველოში ჩეხეთის საელჩოს, ENPARD-ის პარტნიორი ორგანიზაციებისა და მედიის წარმომადგენლები.

LAG წყალტუბოს პროექტი მიზნად ისახავს წყალტუბოს მუნიციპალიტეტში LEADER-ის მიდგომის დანერგვით, ადგილობრივთა ცხოვრების ხარისხის გაუმჯობესებას და სექტორთშორისი თანამშრომლობით გადაწყვეტილების მიღების პროცესში მონაწილეობითი მექანიზმების დანერგვას.